Avropa İttifaqının nümayəndəsi Kəlbəcərdəki hadisəyə münasibət bildirdi – FOTO

9 Baxış

Avropa İttifaqının Xarici əlaqələr üzrə rəsmi nümayəndə Piter Sano “Twitter” hesabında Kəlbəcərdə baş verən hadisəyə münasibət bildirib.

Oxu.Az-ın məlumatına əsasən, o qeyd edib ki, Azərbaycanın işğaldan azad edilmiş ərazilərində minaların təmizlənməsi üçün lazımi məlumat mübadiləsi həyata keçirilməlidir.

Qeyd edək ki, iyunun 4-də saat 11 radələrində xidməti vəzifələrinin icrası ilə əlaqədar işğaldan azad edilmiş Kəlbəcər rayonuna ezam olunan televiziya kanallarının və xəbər agentliklərinin əməkdaşlarının olduğu “KamAZ” markalı avtomobil rayonun Susuzluq kəndi istiqamətində hərəkətdə olarkən tank əleyhinə minaya düşüb.

Nəticədə 3 nəfər – Sirac Abışov (Az TV telekanalının operatoru), Məhərrəm İbrahimov (AZƏRTAC xəbər agentliyinin əməkdaşı), Arif Əliyev (RİH başçısının Susuzluq kənd inzibati ərazi dairəsi üzrə nümayəndəsinin müavini) həlak olub.

Digər 4 nəfər isə müxtəlif dərəcəli bədən xəsarətləri almaqla xəstəxanaya yerləşdirilib.

Armenia Azerbaijan: Civilian casualties of #landmines must be prevented. All information necessary for demining must be exchanged. 🇪🇺 supports ban on land mines & urges 🇦🇲 & 🇦🇿 to resolve pending humanitarian issues, including release of detainees. https://t.co/3TdM1gFvTF

— Peter Stano (@ExtSpoxEU) June 4, 2021


Məlumat oxu.az saytından götürülmüşdür.