Möhsün Səlim məscidinin 592 min borcu var – “Azəriqaz”dan AÇIQLAMA

8 Baxış

“Azəriqaz” İstehsalat Birliyi məscidin borcu ilə bağlı yayılan xəbərlərə aydınlıq gətirib.

Qurumdan Oxu.Az-a verilən məlumatda bildirilir ki, bu borc “Azəriqaz” Qapalı Səhmdar Cəmiyyətinin fəaliyyət göstərdiyi 2009-cu ildən öncəki dövrü əhatə edir.

“Bakı şəhəri, Xəzər rayonu, Binə qəsəbəsində yerləşən Möhsün Səlim məscidinə 592 min 412 manat təbii qazdan istifadəyə görə borcun yazılmasına dair mətbuat səhifələrində məlumatlar dərc olunmaqdadır.

Borcun böyük məbləğdə olmasına baxmayaraq məscidin qaz təchizatı heç bir vaxt dayandırılmayıb. Təbii qazın alqı-satqı müqaviləsinin bağlanması ilə əlaqədar “Azəriqaz” İstehsalat Birliyinin Bakı Regional Qazın Satışı Departamentinə müraciət olunub, lakin məscidin müvafiq qurumda qeydiyyatının olmaması və müqaviləni fiziki şəxsin adına bağlamaq istəyi kimi səbəblərdən bu, mümkün olmayıb”, – deyə açıqlamada qeyd edilib.


Məlumat oxu.az saytından götürülmüşdür.