Oğuzda qəza zamanı motosikletçi ölüb

21 Baxış

Oğuz rayonunda ölümlə nəticələnən yol-nəqliyyat hadisəsi baş verib.

“Report” xəbər verir ki, hadisə bu gün günorta saatlarında İsmayıllı-Qaraməryəm-Şəki avtomobil yolunun rayonun Kərimli kəndi ərazisindən keçən hissəsində qeydə alınıb.

Belə ki, Qəbələ rayonu istiqamətində hərəkətdə olan 99-HS-664 dövlət qeydiyyat nişanlı “Toyota Prado” markalı avtomobil qarşısına çıxan “İJ” markalı motosikleti vurub.

Nəticədə motosikletin sürücüsü Taleh Məhərrəmov hadisə yerində dünyasını dəyişib, onun atası Gündüz Məhərrəmov isə müxtəlif dərəcəli xəsarətlərlə Oğuz Rayon Mərkəzi Xəstəxanasına yerləşdirilib.

Faktla bağlı araşdırma aparılır.


Məlumat oxu.az saytından götürülmüşdür.