Salyanda evdə yanğın: Ana və oğlu ağır xəsarət aldı

9 Baxış

Salyanda evdə yanğın zamanı ana və oğlu yanıq xəsarətləri alıb.

“Report”un məlumatına görə, hadisə bu gün rayonun “Stansiya” adlandırılan yaşayış massivində qeydə alınıb.

Belə ki, həmin massivin sakini, 1991-ci il təvəllüdlü Salmanova Lamiyyə Əli qızı və onun övladı 2014-cü il təvəllüdlü Salmanov Qəbər Ruslan oğlu müxtəlif dərəcəli yanıq xəsarətləri ilə Salyan Mərkəzi Rayon Xəstəxanasına çatdırılıb.

Ananın vəziyyəti ağır olduğundan xəstəxananın reanimasiya şöbəsinə yerləşdirilib.

İlkin məlumata görə, L.Salmanova evdə mətbəxdə yemək hazırlayarkən yanğın olub. Yanğın nəticəsində bu hadisə baş verib.

Faktla bağlı araşdırma aparılır.


Məlumat oxu.az saytından götürülmüşdür.