Həbsxanaya dondurmanın içərisində telefon keçirilməsinin qarşısı alınıb

14 Baxış

11 saylı cəzaçəkmə müəssisəsinə mobil telefon aparatlarının keçirilməsi cəhdinin qarşısı alınıb.

Penitensiar Xidmətdən verilən xəbərə görə, Cinayət Məcəlləsinin 120.2.1; 228.4 və 66.3-cü maddələrinə əsasən təqsirli bilinərək 14 il müddətinə azadlıqdan məhrum edilən məhkum Zakir Şakir oğlu Yusifliyə tanışı Beyləqan şəhər sakini Emin Vəli oğlu Muradov tərəfindən gətirilən sovqata baxış keçirilib. Bu zaman orada olan plastik dondurma qabının içərisində xüsusi üsulla gizlədilmiş üç ədəd “Nokia” markalı mobil telefon aparatı aşkar edilib.

Faktla bağlı araşdırmalar davam etdirilir.


Məlumat oxu.az saytından götürülmüşdür.