Yetkinlik yaşına çatmayanlara tütün məmulatı satanlar cərimələndi

5 Baxış

Bakıda yetkinlik yaşına çatmayanlara tütün məmulatı satan şəxslər cərimələnib.

Daxili İşlər Nazirliyinin Baş İctimai Təhlükəsizlik İdarəsi və Xətai Rayon Polis İdarəsi əməkdaşlarının rayon ərazisində keçirdikləri reyd nəticəsində iki mağazada satıcıların yetkinlik yaşına çatmayanlara tütün məmulatı satmaları aşkar edilib. 

Polis əməkdaşları tərəfindən həmin mağazaların 2 satıcısı barəsində İnzibati Xətalar Məcəlləsinin 455.2-ci maddəsinə əsasən (Etil (yeyinti) spirti, alkoqollu içkilərin və ya tütün məmulatlarının yetkinlik yaşına çatmayanlara satılmasına görə) protokollar tərtib edilərək hər biri 100 manat cərimə olunublar. 

Bu istiqamətdə tədbirlər davam etdirilir.


Məlumat oxu.az saytından götürülmüşdür.